एजेन्सी बैशाख १० ! भारतको जम्मु–कश्मीरको पहलगामस्थित बैसारन उपत्यकामा पर्यटकहरूलाई लक्षित गरी भएको आतंकवादी आक्रमणमा कम्तीमा २८ जनाको मृत्यु भएको छ, जसमा एक नेपाली नागरिक सन्दीप न्यौपाने पनि परेका छन्। उनी नेपालबाट गएका पर्यटक थिए। यद्यपी नेपालको सरकारी निकायबाट यसबारे पुस्टि भने भएको छैन ।
प्रधानमन्त्री के पी शर्मा ओलीले आफ्नो सामाजिक संजाल एक्स मार्फत पहलगाममा भएको आतंकबादी आक्रमणका पिडितहरुप्रति गहिरो समबेदना जनाएका छन् l साथै नेपाल भारतसँग आतंकबादको बिरुद्द दृढतापुर्बक उभिने पनि उल्लेख गरेका छन् l नेपाली नागरिकको पुस्टि गर्न समन्वय भैरहेको पनि जनाएका छन् l यसका साथै पिडितलाई आवश्यक सहयोग गर्ने प्रधानमन्त्री ओलीको भनाइ रहेको छ l
यस आक्रमणमा २४ जना भारतीय पर्यटक सहित दुई जना स्थानीय बासिन्दा, एक जना युएई नागरिक र एक जना नेपाली नागरिकको ज्यान गएको छ। घटनामा मंगलबार स्थानीय समय अनुसार २: ३० बजे भएको थियो l घटनामा २० भन्दा बढी व्यक्ति घाइते भएका छन्। थप विवरण आउँ बाँकी छ l आक्रमणकारीहरूले पर्यटकहरूलाई लक्षित गरी छानी छानी गोली प्रहार गरेको भारतीय संचारमाध्यमहरुले जनाएका छन्।
मृतकहरूको विवरण
हालसम्म सार्वजनिक रूपमा विस्तृत नामावली उपलब्ध नभए पनि विभिन्न स्रोतहरूबाट केही मृतकहरूको जानकारी प्राप्त भएको छ:
- सन्दीप न्यौपाने – नेपालका नागरिक।
- मञ्जुनाथ – कर्नाटकका पर्यटक
- एक ओडिशाका कर्मचारी – केंद्रीय प्लास्टिक इन्जिनियरिङ तथा प्रविधि संस्थान (CIPET) का कर्मचारी।
- भारतीय नौसेनाका एक अधिकारी – २६ वर्षीय।
- गुप्तचर ब्यूरोका एक अधिकारी – परिवारसँगै यात्रा गरिरहेका थिए।
अन्य मृतकहरू भारतका विभिन्न राज्यहरू—कर्नाटक, केरला, महाराष्ट्र, ओडिशा, गुजरात, हरियाणा, पश्चिम बंगाल, उत्तर प्रदेश—बाट आएको उल्लेख छ। घाइतेहरूमा तमिलनाडु, गुजरात र महाराष्ट्रका पर्यटकहरू बढी रहेको बताइएको छ।
यस आक्रमणको जिम्मेवारी “द रेसिस्टेन्स फ्रन्ट” (TRF) नामक आतंकवादी समूहले लिएको छ, जुन पाकिस्तानस्थित लश्कर-ए-तैयबा समूहको सहायक संगठन हो। उक्त समूहले कश्मीरमा बाहिरी बासिन्दाहरूको बसोबासलाई विरोध गर्दै आक्रमण गरेको दाबी गरेको छ।
भारत सरकार र अन्तर्राष्ट्रिय समुदायले यस आक्रमणको कडा निन्दा गरेका छन्। प्रधानमन्त्री नरेन्द्र मोदी र गृहमन्त्री अमित शाहले दोषीलाई कारबाही गर्ने प्रतिबद्धता जनाएका छन्।साउदी अरबको भ्रमणमा रहेका प्रधानमन्त्री मोदी भ्रमण छोट्याएर स्वदेश फर्किंदै छन् l
यस घटनाले कश्मीरमा पुनः अशान्ति बढ्ने संकेत दिएको छ, जहाँ पछिल्ला वर्षहरूमा पर्यटन बढ्दै गएको थियो। नेपाली नागरिक सन्दीप न्यौपानेको मृत्युले नेपालमा पनि शोकको लहर फैलिएको छ।
