काठमाडौँ वैशाख १५ ! नेपाली कांग्रेसका नेता डा. शेखर कोइरालाले सरकारले शिक्षकहरूको आन्दोलनमा प्रहरी बलको प्रयोग र पालिका लगाएर धम्क्याउने कदमको कडा आलोचना गरेका छन्। शिक्षकहरूले शिक्षा ऐन ल्याउनुपर्ने माग राख्दै झण्डै एक महिना अघिदेखि सडक आन्दोलनमा उत्रेका छन्। यसअर्थमा पठन-पाठन र सरकारी भर्ना अभियान ठप्प भएका छन्, र कक्षा १२ को परीक्षा समेत सरेको छ।
डा. कोइरालाले सरकारको कुसाशनको उदाहरणको रूपमा प्रहरी बलको प्रयोग र शिक्षकहरुमाथि धम्क्याउने व्यवहारलाई उल्लेख गर्दै भने, “शिक्षकहरूसँग वार्ता गरी समस्या समाधान गर्नुपर्नेमा सडकमै उनीहरुमाथि प्रहरी बल प्रयोग गर्नु र पालिका लगाएर शिक्षकहरुलाई धम्क्याउनु सरकारको कुसाशनको अर्को उदाहरण हो।”
उनले सरकारलाई ध्यानाकर्षण गर्दै भने, “अब धेरै ढिला भयो। एक दुई दिनमै समस्या समाधान गरी पठन-पाठन सुचारु गर्न सरकारको ध्यानाकर्षण गराउँछु।”
शिक्षकहरूको आन्दोलनले शैक्षिक प्रणालीमा गम्भीर असर पुर्याउँदैछ। पठनपाठन सुचारु गर्ने र शिक्षकहरूको समस्यामा समाधान खोज्ने मागले सरकारलाई थप दबाबमा राखेको छ।
