एजेन्सी ! सन् २०३४ को फिफा विश्वकप फुटबल साउदी अरेबियाले आयोजना गर्ने भएको छ ।
फिफाले बुधबार एसियाली राष्ट्र साउदी अरेबियालाई सन् २०३४ को विश्वकप आयोजनाको अधिकार दिएको हो ।
साउदी अरब ४८ टोली सहभागी हुने विश्व कप आयोजना गर्ने पहिलो एसियाली राष्ट्र हुनेछ।
फिफाले आगामी विश्वकपदेखि नै सहभागी सङ्ख्या ३२ बाट बढाएर ४८ बनाएको हो । यस्तै सन् २०३० को विश्वकप मोरक्को, पोर्चुगल, स्पेन, अर्जेन्टिना, पाराग्वे र उरुग्वेले संयुक्त रुपमा आयोजना गर्नेछन् ।
