काठमाडौँ माघ १६ — सरकारले नेपाल स्टक एक्सचेन्ज (नेप्से) को पुनर्संरचनासम्बन्धी सुझाव समितिले तयार पारेको प्रतिवेदन सार्वजनिक गर्ने निर्णय गरेको छ। मन्त्रिपरिषद् बैठकले उक्त प्रतिवेदन आम नागरिक र सरोकारवालाको जानकारीका लागि सार्वजनिक गर्ने निर्णय गरेको सरकारका प्रवक्ताले जानकारी दिएका छन्।
नेप्सेको संरचना, व्यवस्थापन सुधार, प्रविधि उन्नयन तथा बजार पारदर्शिता अभिवृद्धिका विषयमा सुझाव दिन गठित समितिले लामो अध्ययनपछि प्रतिवेदन तयार पारेको थियो। प्रतिवेदन सार्वजनिक भएसँगै पुँजी बजार सुधारसम्बन्धी बहस थप तीव्र हुने अपेक्षा गरिएको छ।
सरकारले प्रतिवेदनमा समेटिएका सुझावहरूको चरणबद्ध कार्यान्वयनका लागि आवश्यक तयारीसमेत अघि बढाउने जनाएको छ।
