काठमाडौं ! नेपालका राजदूत महामहिम श्री शनिल नेपालले आफ्नो निवासमा स्पेनको चेम्बर अफ कमर्स (कामारा दे कमर्सियो दे एस्पाना) की महानिर्देशक श्रीमती इन्माकुलाडा रिएरा आइ रेने र अन्तर्राष्ट्रिय निर्देशक श्री जाइम मोन्टाल्वोलाई स्वागत गरेका छन्।
यस अवसरमा दुवै पक्षबीच नेपाल र स्पेनबीच व्यापारिक सम्बन्धलाई अझ बलियो बनाउने, सम्भावित लगानीका अवसरहरू खोज्ने, र सामाजिक-सांस्कृतिक सहयोगका नयाँ मार्गहरू स्थापना गर्ने विषयमा गहन छलफल भएको छ। यसले दुई देशबीच आपसी लाभ र दीर्घकालीन सहकार्यलाई प्रवर्धन गर्ने अपेक्षा गरिएको छ।
राजदूत श्री नेपालले नेपालमा पर्यटन, ऊर्जा, कृषि, र प्रविधि क्षेत्रमा स्पेनीस लगानीका सम्भावनाहरूबारे जानकारी दिएका छन् भने स्पेनीस प्रतिनिधिहरूले पनि आफ्नो रुचि व्यक्त गरेका छन्।
यस भेटवार्ताले नेपाल र स्पेनबीच आर्थिक र सांस्कृतिक आदानप्रदानलाई अझ गतिशील बनाउने मार्ग प्रशस्त गरेको छ। आगामी दिनमा दुई देशबीच सहकार्यका नयाँ आयामहरू थपिने अपेक्षा छ।
#नेपाल_स्पेन_सम्बन्ध #व्यापार_र_लगानी #सहकार्य
