काठमाडौँ असार २ l नेपाल धितोपत्र बोर्डले ५१ कम्पनि लगानी गर्न अति जोखिम रहेको भन्दै लिस्ट सहित सार्वजनिक गरेपछि आज बजार ओरालो लागेको छ l हिजो जारी बिज्ञप्तिमा माइक्रोफाइनान्स, हाइड्रोपावर ,फाइनान्स कम्पनी र बीमा कम्पनीमा अत्यधिक जोखिम बढेकोले सतर्क रहन लगानीकर्तालाइ धितोपत्र बोर्डले सचेत गराएको थियो l
आज नेप्से दोहोरो अंकले गिरावट आएको छ l नेप्से परिसूचक ५२.४१ अंकले गिरवट आएको हो l आज झण्डै १५.४८ अर्ब रुपैयाँ बराबरको शेयर कारोबार हुँदा नेप्से सूचक १.७३ प्रतिशतले घटेको छ।
आज नेप्से परिसूचक ५२.४१ अंकले घटेर २९६९.६९ विन्दुमा आएको छ । यस्तै सेन्सेटिभ इन्डेक्स पनि ८.५६ अंकले घटेर ५४१.७ विन्दुमा आएको छ। आज कारोबार रकम पनि झण्डै १५.४८ अर्ब नजिक पुगेको छ। बुधबार २१९वटा कम्पनीको २ करोड ८२ लाख ८९ हजार १ सय २८ कित्ता शेयर १५ अर्ब ४८ करोड ४४ लाख ७९ हजार ३१९ रुपैयाँमा खरिदबिक्री भएको छ।
