न्युयोर्क जेठ २९ ! टी–२० विश्वकपमा दक्षिण अफ्रिकाले आफ्नो अपराजित यात्राको क्रममा बङ्गलादेशलाई ४ विकेटले पराजित गरेको छ। सोमबार नसाउ काउन्टी मैदानमा भएको समूह डी अन्तर्गतको खेलमा टोलीले बंगलादेशलाई ४ रनले पराजित गरेको हो ।
टस जितेर पहिले ब्याटिङ गरेको दक्षिण अफ्रिकाले निर्धारित २० ओभरमा ६ विकेटको क्षतिमा प्रस्तुत गरेको १ सय १४ रनको लक्ष्य पछ्याएको बंगलादेशले निर्धारित २० ओभरमा ७ विकेटको क्षतिमा १ सय ९ रन मात्र जोड्न सक्यो।
बंगलादेशका लागि तोहिद हृदोयले सर्वाधिक ३७ रन बनाए । अन्तिम ओभरमा आउट हुनअघि मोहम्मदुल्लाहले २७ बलमा २० रन जोडे । उनले दुई चौका प्रहार गरे । कप्तान नजमुल होसेन सान्तोले २३ बलमा १४ रन बनाए ।
समुह ‘डी’ अन्तर्गतको ३ खेलमा ६ अङ्क बटुल्दै दक्षिण अफ्रिका समूहको शीर्ष स्थानमा रहेको छ भने बंगलादेशले दुई खेलमध्ये एकमा जित र एकमा हार बेहोर्दै २ अङ्कसहित दोस्रो स्थानमा छ ।
