काठमाडौं । नेपाल प्रिमियर लिग (एनपीएल) को फ्रेन्चाइज आगामी नोभेबर ३० देखि २१ डिसेम्बरसम्म हुने खेलको लागी ८ मार्की प्लेयर घोषणा गरेको छ । शनिबार एक कार्यक्रम गर्दै नेपाल क्रिकेट संघ (क्यान)ले रास्ट्रिय टिमको ८ जनालाई मार्की प्लेयर निश्चित गरेको हो ।
मार्की खेलाडीमा राष्ट्रिय टोलीका कप्तान रोहित पौडेल, लेग स्पिनर सन्दीप लामिछाने, अलराउन्डर दीपेन्द्र सिंह ऐरी, फास्ट बलर सोमपाल कामी, करण केसी, आसिफ शेख, कुशल भुर्तेल र कुशल मल्ल रहेको छन् ।
जस अन्तर्गत काठमाडौंमा करण केसी, पोखरामा कुशल भुर्तेल, चितवनमा कुशल मल्ल, विराटनगरमा सन्दीप लामिछाने, जनकपुरमा आसिफ सेख, लुम्बिनीमा रोहित पौडेल, कर्णालीमा सोमपाल कामी र सुदूरपश्चिममा दीपेन्द्रसिंह ऐरी मार्की प्लेयर बनेका छन् । मार्की प्लेयरले एनपीएल खेलेवापत २० लाख रुपैयाँ पाउने नेपाल क्रिकेट संघले क्यानले जनाएको छ ।
