काठमाडौं जेठ १२ ! नेपाल कम्युनिस्ट पार्टी (माओवादी केन्द्र) र नेपाल समाजवादी पार्टी (नेसपा) बीच पार्टी एकता सहमति भएको छ। नेसपाका सहअध्यक्ष गंगानारायण श्रेष्ठले यस एकतालाई सिंगो पार्टीको निर्णय भएको बताएका छन्।
यस एकतामा नेसपाका अध्यक्ष महिन्द्र राय यादव, सहअध्यक्ष गंगानारायण श्रेष्ठ, र महासचिव रमेशप्रसाद यादव सहभागी छन्। माओवादी केन्द्रका तर्फबाट अध्यक्ष पुष्पकमल दाहाल ‘प्रचण्ड’, महासचिव देव गुरुङ, र उपमहासचिव जनार्दन शर्मा सहभागी थिए।
एकीकृत पार्टीको नाम आगामी महाधिवेशनमा टुंगो लगाउने निर्णय गरिएको छ, र वैचारिक एकरूपता तथा संगठनात्मक तयारीका लागि कार्यदल गठन गरिएको छ।
यस एकताप्रति नेसपाका अर्का अध्यक्ष डा. बाबुराम भट्टराईले आपत्ति जनाएका छन्। उनले यसलाई पार्टी अपहरणको संज्ञा दिएका छन्।
यस एकताले नेपाली वाम राजनीति र समाजवादी मोर्चामा नयाँ समिकरण ल्याउने अपेक्षा गरिएको छ।
