एजेन्सी जेठ २५ ! टस जितेर पहिले ब्याटिङ रोजेको स्कटल्याण्डले नेपालविरुद्ध आइसीसी विश्व कप लिग–२ अन्तर्गत आइतबार सम्पन्न एकदिवसीय (ODI) क्रिकेट खेलमा २ रनको झिनो अन्तरले रोमाञ्चक जित हात पारेको छ।
स्कटल्याण्डले निर्धारित ५० ओभरमा ६ विकेट गुमाउँदै ३२३ रनको विशाल लक्ष्य प्रस्तुत गर्यो।
३२३ रनको चुनौती पछ्याउने क्रममा नेपालले पनि पुरै ५० ओभर खेल्यो तर अन्तिम क्षणमा १० विकेट गुमाउँदै ३२१ रनमै अलआउट भयो।
यो हारसँगै नेपालले महत्त्वपूर्ण जितको मौका गुमाएको छ, तर बलियो टिम स्कटल्याण्डविरुद्ध देखाएको प्रतिस्पर्धात्मक प्रदर्शनले टिमको आत्मविश्वास भने उच्च राखेको छ। यस खेलपछि नेपाल लिग–२ को अंक तालिकामा सातौँ स्थानमा यथावत् छ भने स्कटल्याण्ड चौथो स्थानमा उक्लन सफल भएको छ।
